Mandati
Mandati kryesor i Departamentit të Financave dhe Shërbimeve të Përgjithshme është të ofroj mbështetje administrative Ministrisë së Bujqësisë, Pylltarisë dhe Zhvillimit Rural, përmes hartimit, planifikimit, mbikëqyrjes dhe menaxhimit të buxhetit dhe financave. Zhvillimit dhe menaxhimit të resurseve humane, si dhe përmes ofrimit të Shërbimeve te tjera: Teknologjisë Informative, Logjistike, Arkivimit, etj.
Struktura Organizative e Departamentit:
1. Divizioni për Buxhet dhe Financa
2. Divizioni i Personelit
3. Divizioni për Teknologji Informative dhe Shërbime Logjistike
Detyrat dhe përgjegjësitë:
Departamenti:
– Departamenti i Financave dhe Shërbimeve të Përgjithshme ofron mbështetje administrative Ministrisë së Bujqësisë, Pylltarisë dhe Zhvillimit Rural në propozimin e politikave në fushën e administratës publike dhe zbatimin e politikave që kanë të bëjnë më administratën e Ministrisë;
– Menaxhon dhe mirëmban informatat për burimet njerëzore të ministrisë.
– Asiston menaxhmentin në organizimin e brendshëm, ofron mbështetje administrative, logjistike dhe të shërbimeve të teknologjisë informative;
– Siguron zbatimin e procedurave për përzgjedhjen dhe punësimin e personelit të kualifikuar, në përputhje me legjislacionin në fuqi;
– Koordinon përgatitjen, zbatimin, raportimin dhe vlerësimin e buxhetit të ministrisë;
– Koordinon zbatimin me kohë të detyrimeve financiare të ministrisë;
– Mirëmban pajisjet e TI-së dhe ofron shërbime te TI-së;
– Menaxhon sistemin e arkivit dhe dokumentet e brendshme të ministrisë;
– Ofron shërbime logjistike për ministrinë
– Udhëheqësi i Departamentit të Financave dhe Shërbimeve të Përgjithshme raporton tek Sekretari i PÑ‘rgjithshÑ‘m.
Kontakti:
Personi kontaktues: Fëllanza Balaj – Kurtishaj – Drejtore e Departamentit të Financave dhe Shërbimeve të Përgjithshme-DFSHP
Tel: +383 (0)38/200-38-451
E-mail: fellanza.balaj@rks-gov.net
Raporti: