MANDATI
Mandati kryesor i Departamentit të Politikave të Zhvillimit Rural është hartimi i politikave të zhvillimit rural; Përgatitja dhe zbatimi i programit, duke përfshirë përzgjedhjen e masave dhe publicitetin e tyre, koordinimin, vlerësimin, monitorimin dhe raportimin e Programit te Zhvillimit Rural. Si i tillë, është i caktuar për të kryer funksionin e Autoritetit Menaxhues.
Struktura Organizative e Departamentit:
Divizioni 1: Programimi dhe Koordinimi i Zhvillimit Rural,
Divizioni 2: Aftësitë Konkurruese, Diversifikimi dhe LEADER,
Divizioni 3: Politika Agro-Mjedisore dhe Viset më Pak të Favorizuara,
Divizioni 4: Asistenca Teknike, Komunikim dhe Publicitet dhe
Divizioni 5: Monitorimi, Vlerësimi (Evaluimi) dhe Raportimi i Zhvillimit Rural.
Detyrat dhe Përgjegjësitë e Departamentit dhe Divizioneve:
1. Departamenti i Politikave të Zhvillimit Rural –Autoriteti Menaxhues:
- Hartimi i Politikës dhe Strategjisë së Zhvillimit Rural/ZHR;
- Përgatitja, zbatimi, monitorimi dhe vlerësimi i Programit vjetor dhe afatgjatë për Zhvillimin Rural, në pajtim me Shtyllën e Dytë të PPB-e të BE-së.
- Plotësim/ndryshimi i programit, ndarja e buxhetit në mes të masave të programit dhe draftimi i akteve ligjore për zbatim e programit (PBZHR);
- Përafrimi i legjislacionit në fushat e zhvillimit rural, përfshirë përcaktimin e LFA-ve, hartimin e Programit Nacional Agro-Mjedisor dhe zbatimin e pilot masave Agro-Mjedisore;
- Përgatitja e masave të Zhvillimit Rural për përkrahjen e skemave investive në aftësinë konkurruese , diversifikim të aktiviteteve bujqësore dhe për qasjen LEADER;
- Monitorimi i efektivitetit dhe cilësisë së zbatimit të Programit përmes treguesve relevant fizik, mjedisor dhe financiar;
- Vlerësimi – Evaluimi i vazhdueshëm i Programit, raportimi i rregullt dhe organizimi i Komitetit Monitorues;
- Planifikimi dhe Menaxhimi financiar (krahas autoriteteve tjera financiare nën përgjegjësinë e MBPZHR-së; Agjencioni për Zhvillimin e Bujqësisë, Divizioni për Buxhet dhe Financa), për procedurat e planifikimit buxhetor për pagesat dhe zotimet;
- Informimi dhe Publiciteti, për të siguron informacion (të gjitha informatat mbi programin sidomos për mundësit e përfitime qe ofrohet në kuadër të Programit, për publikun e përgjithshëm/palët e interesit;
- Koordinimi i përgjithshëm i akterëve për menaxhimin dhe zbatimin e programit, përmes udhëzimeve dhe ofrimit te informatave dhe dokumenteve relevante;
- Menaxhimi i dokumentacionit për auditim;
- Raportimi vjetor dhe përfundimtar për zbatimin e programit;
Kontakti:
Shqipe Dema – Drejtore e Departamentit të Politikave të Zhvillimit Rural
Tel: +383(0) 38 211 131
E-mail: shqipe.dema@rks-gov.net