Ministri i Bujqësisë, Pylltarisë dhe Zhvillimit Rural, Memli Krasniqi, ka pritur sot në një takim drejtuesit e Federatës së Gjuetarëve të Kosovës (FGJK). Në këtë takim u diskutua rreth ruajtjes së fondit të kafshëve të egra në Kosovë dhe menaxhimin e përgjithshëm të gjuetisë.Ministri theksoi se po punohet që të ketë një legjislacion edhe me të qartë sa i përket menaxhimit të gjuetisë dhe kërkoi nga federata që të kenë bashkëpunim me të madh me shoqatat komunale për ruajtjen e fondit të kafshëve të egra. Gjithashtu ministri ofroi përkrahjen e ministrisë për anëtarësimin e Federatës së Gjuetarëve të Kosovës në Konfederatën Botërore të Gjuetisë si dhe në atë evropiane.Me theks të veëantë u diskutua mundësia e shpalljes së një moratoriumi në gjueti, por ishte dakordim i të dy palëve që kjo të shqyrtohet pas miratimit të ligjit të ri për gjuetinë, i cili veëse është në proces të hartimit.Gjithashtu temë diskutimi në këtë takim ishte edhe mundësitë e inventarizimit nacional të faunës së egër, si dhe vlerësimi i potencialit për gjueti.Nga ana tjetër, drejtuesit e FGJK-së falënderuan ministrin për përkrahjen dhe e informuan për procesin e anëtarësimit në mekanizmat ndërkombëtarë dhe planet e tyre për një funksionim edhe me të mirë si federatë.