Zëvendësministri i Bujqësisë, Pylltarisë dhe Zhvillimit Rural, Vezir Januzi, vizitoi sot kryetarin e Komunës së Suharekës, Sali Asllanaj, me të cilin kanë diskutuar për zhvillimet në sektorin e bujqësisë, si dhe për programet mbështetëse të ministrisë.Zëvendësministri Januzi, theksoi se mbështetja për bujqësinë po rritet nga viti në vit e me këtë rast ai e njoftoi kryetarin më hollësisht edhe për projektet zhvillimore të kësaj ministrie, në të cilat ai tha se po gjejnë mbështetje edhe fermerët e komunës së Suharekës.Nga ana e tij, kryetari i Suharekës, Sali Asllanaj, tha se mbështetja e MBPZHR-së po ndikon në rritjen e prodhimtarisë dhe cilësisë së prodhimeve bujqësore në këtë komunë.
