Në punëtorinë dy ditore të MBPZhR-së u prezantuan planet e punës për vitin 2025

Ministria e Bujqësisë, Pylltarisë dhe Zhvillimit Rural ka organizuar punëtorinë dy ditore me qëllim të diskutimit të planit të punës për vitin 2025, si dhe prioritetet e bashkëpunimit me projektet e mbështetura prej donatorëve. Në këtë punëtori, e cila është udhëhequr nga Sekretarja e Përgjithshme e MBPZhR-së, Venera Çerkini kanë marrë pjesë udhëheqësit e departamenteve të Ministrisë, si dhe përfaqësues të FAO-s për Kosovë.

Në fjalimin e saj, Sekretarja, Venera Çerkini ka prezantuar objektivat e punëtorisë dhe nevojat për një koordinim sa më të mirë mes departamenteve dhe agjencive në harmonizimin e aktiviteteve në arritjen e rezultateve të planifikuara për vitin 2025. 

Gjatë kësaj punëtori e ditore përfaqësuesit e departamenteve të MBPZhR-së kanë prezantuar dhe diskutuar në detaje planet e punës për vitin 2025. Po ashtu, edhe agjencitë që funksionojnë në kuadër të MBPZhR-së, siç është Agjencia e Ushqimit dhe Veterinarisë, Agjencia e Zhvillimit të Bujqësisë, Agjencia e Pyjeve të Kosovës, si dhe Instituti i Bujqësisë, Instituti i Pylltarisë dhe Inspektorati i Pylltarisë dhe Gjuetisë, kanë prezantuar objektivat dhe aktivitetet e planifikuara për vitin 2025.

Krahas tjerash, në këtë punëtori është diskutuar edhe identifikimi i fushave dhe aktiviteteve që mund të shërbejnë si prioritete për bashkëpunim mes organizatat ndërkombëtare, në këtë rast FAO, GIZ dhe TAIEX.

Në këtë punëtori ku pjesëmarrës ishin edhe përfaqësuesit e FAO-s për Kosovë, kanë treguar për ecurinë e realizmit të projekteve në fushën e bujqësisë dhe është diskutuar edhe harmonizimi i aktiviteteve për këto projekte me përfaqësuesit e MBPZhR-së.