Prishtinë, 28 mars 2019 – Ambasada Hungareze në Kosovë në bashkëpunim dhe me përkrahjen e Ministrisë së Bujqësisë, Pylltarisë dhe Zhvillimit Rural, mbajtën konferencën e titulluar ëKonferenca për Bujqësinë Hungareze në Kosovë. Kjo konferencë e cila u mbajt në Hotel ëAmazonaë në Prishtinë, mblodhi biznese të ndryshme nga Kosova dhe Hungaria, ku bizneset e ardhura nga Hungaria kishin për qëllim prezantimin e veprimtarive të tyre dhe ofrimin e partneritetit me bizneset Kosovare që ishin të pranishme në këtë konferencë. Në fjalët e tyre hyrëse, përfaqësuesit nga Ministria e Bujqësisë, Pylltarisë dhe Zhvillimit Rural dhe Ambasada Hungareze i falënderuan të pranishmit për pjesëmarrjen dhe shprehën gatishmërinë për përkrahje në ndërtimin e kontakteve mes bizneseve të të dyja vendeve, si dhe thellimin e bashkëpunimit në të ardhmen. Bizneset kosovare dhe ato hungareze, patën mundësinë e prezantimit të veprimtarive të tyre dhe shkëmbimit të përvojave përmes sesionit të takimeve individuale, gjë që nga palët u cilësua si shumë i frytshëm. Të pranishëm në këtë konferencë ishin edhe studentë të Universitetit të Prishtinës të cilët Ambasada Hungareze i përkrah ëdo vit me bursa studimi, me ërast ata u shprehën të kënaqur me përkrahjen e tyre. Të pranishmit, në pjesën përmbyllëse të konferencës u falënderuan nga organizatorët për pjesëmarrjen dhe gjithashtu organizatorët u zotuan se kjo konferencë do të vazhdoj të jetë tradicionale duke u zgjeruar ëdo vit në aspektin e bashkëpunimit dhe lidhjes së kontakteve në mes të bizneseve kosovare dhe atyre hungareze.