Ministri në detyrë i Bujqësisë, Pylltarisë dhe Zhvillimit Rural, Imri Demelezi zhvilloi një takim bilateral me zëvendësministren e Bujqësisë dhe Ushqimit të Bullgarisë, Lozana Vasileva, ku u riafirmua bashkëpunimi për forcimin e mëtejmë të sektorit të bujqësisë.

“Diskutuam për prioritetet e bashkëpunimit dypalësh mbi reformat institucionale në funksion të integrimit evropian, forcimin e sigurisë ushqimore, zhvillimin e fermerëve dhe të grupeve prodhuese, si dhe avancimin e politikave për zhvillim rural. Përgjatë bisedës në fokus ishin edhe modalitetet për mbështetjen e grave dhe fermerëve të rinj”, theksoi ministri Demelezi.

Takime të tilla, sipas tij dëshmojnë angazhimin për partneritete të qëndrueshme evropiane dhe për ndërtimin e një sektori bujqësor modern, konkurrues.