Prishtinë, 11 shkurt 2020 ë Ministri i Bujqësisë, Pylltarisë dhe Zhvillimit Rural, Besian Mustafa, sqaron opinionin publik, pas raportimeve të gazetës së përditshme ëKoha Ditoreë, në shkrimin me titullin ëMinistri Mustafa mban jashtëligjshëm në detyrë të dyshuar për abuzim me miliona euroë, të botuar sot ( e martë), datë 11.02.2020. Lidhur me rastin e raportuar në këtë gazetë, ministri Mustafa ka kërkuar informata nga Prokuroria e Shtetit.ëSot, në ditën time të pestë të punës, lidhur me rastin e raportuar në medie rreth një numri të zyrtarëve të Ministrisë së Bujqësisë, Pylltarisë dhe Zhvillimit Rural ndaj të cilëve raportohet se është ngritur aktakuzë, menjëherë kam kërkuar nga Prokuroria e Shtetit informacion për të konfirmuar zyrtarisht nëse zyrtarëve në fjalë u është ngritur aktakuzë. Njëkohësisht, i kam kërkuar Departamentit Ligjor të Ministrisë që kjo ëështje të trajtohet me urgjencë, me përpikëri dhe në pajtueshmëri të plotë me legjislacionin në fuqië, ka thënë ministri i Bujqësisë, Pylltarisë dhe Zhvillimit Rural, Besian Mustafa.