Prishtinë, 7 korrik 2022 ë Ministria e Bujqësisë, Pylltarisë dhe Zhvillimit Rural, që nga sot ka hapur periudhën për aplikim për disa masa mbështetëse në kuadër të Programit për Bujqësi dhe Zhvillim Rural për vitin 2022, ku investimet përmes këtij programi kapin vlerën prej 26,331,798.00 euro. Përmes këtij programi do të përkrahen projektet investive të fermerëve dhe agrobizneseve në gjithë territorin e Kosovës. Thirrjet për aplikim janë hapur për Masën 1 ëInvestimet në asetet fizike në ekonomitë bujqësoreë, Masën 3 ëInvestimet në asetet fizike në përpunimin dhe tregtimin e prodhimeve bujqësoreë, Masën 7 ëDiversifikimin e fermave dhe zhvillimin e bizneseveë, si dhe për Masën 5 ëPërgatitja – zbatimi i strategjive të zhvillimit lokal ë qasja LEADERë. MBPZhR-ja përmes PZhR-së ka zgjeruar mundësitë e investimeve, duke sjellë kështu edhe shumë risi në masat mbështetëse për sektor të ndryshëm bujqësor dhe rural. Ndryshe, periudha e aplikimit për masat e shpallura sot (07 korrik), do të jetë e hapur deri më 08 Gusht 2022, në orën 16.00. Të gjithë të interesuarit, aplikimin mund ta bëjnë përmes ueb ëmodulit online në uebfaqen e Agjencisë për Zhvillimin e Bujqësisë (AZhB), www.azhb-ks.net në linkun ëAplikimi online për PZhRë: https://azhb-aplikimet.rks-gov.net. Aplikuesit në ueb ë modul do të mund të regjistrojnë projektin, si dhe duhet të ngarkojnë të gjitha dokumentet e nevojshme për aplikim në PDF. Ndërkaq, gjatë periudhës për aplikim, fermerët dhe agrobizneset për të gjitha informatat lidhur me procedurat e aplikimit, kriteret e provueshmërisë, kriteret e vlerësimit, fushat e investimit, mund tëi marrin në detaje në uebfaqen e MBPZhR-së www.mbpzhr-ks.net, si dhe në uebfaqen e AZhB-së www.azhb-ks.net. Po ashtu, të gjithë të interesuarit për aplikim në kuadër të PZhR-së, nëse hasin në ndonjë paqartësi gjatë periudhës së aplikimit, mund të parashtrojnë pyetje për sqarim në emailin zyrtar, infoaplikimet.azhb@rks-gov.net. Më poshtë gjeni linkun e videospotit për hapjen e periudhës së aplikimit për PZhR 2022: https://fb.watch/e6iy9oxOc8/
