Prishtinë, 22 shtator 2023 ë Ministria e Bujqësisë, Pylltarisë dhe Zhvillimit Rural, përmes politikave bujqësore dhe dokumenteve strategjike synon zhvillimin e bujqësisë organike dhe rritjen e kapaciteteve e cilësisë të kësaj prodhimtarie. Përkrahjen për këtë sektor e konfirmoi edhe njëherë Zëvendësministri i BPZhR-së, Imri Demelezi, gjatë fjalimit të tij në ëDitën Evropiane të Produkteve Organikeë, e organizuar nga Shoqata Organika dhe e përkrahur nga projekti i GIZ-it në Kosovë ëEntrepreneurship Promotionë. ëSi dokument strategjik, në prill të këtij viti kemi finalizuar Planin e Veprimit për Bujqësinë Organike 2023 ë 2026. Përmes këtij Plani të Veprimit, kemi përcaktuar hapat konkret që do të mundësojnë zhvillimin e kapaciteteve ekzistuese organike dhe ngritjen e atyre të rejave, ngritje të cilësisë së prodhimeve organike, rritje të të hyrave e rrjedhimisht edhe ndikimit pozitiv në nutricion. Ndërkaq, përmes Programit të Pagesave Direkte 2023, MBPZhR-ja, ka mbështetur fermerët me vlerë prej 100 Euro /ha për sipërfaqet e certifikuara për prodhimtari organike, ndërsa për sipërfaqet te cilat ndodhen ne periudhën e konvertimit me vlerë prej 50 Euro/haë, tha zëvendësministri Demelezi. Sipas tij, ngjarjet e tilla si kjo janë një rast i mirë për të shpërndarë informacione mbi përfitimet e bujqësisë organike për mjedisin, shëndetin, dhe ekonominë. Ndryshe, gjatë kësaj ngjarje është organizuar edhe panel diskutimi me temën ëBujqësia organike në Kosovë, e kaluara dhe e tashmjaë.