Prishtinë, 19 maj 2015 – Zëvendësministri i Bujqësisë, Pylltarisë dhe Zhvillimit Rural, Vezir Januzi, priti sot në një takim nënkryetarin e komunës së Mitrovicës, Safet Kamberi, me të cilin ka biseduar për Programin për Bujqësi dhe Zhvillim Rural të këtij viti, përmes të cilit ai tha se sivjet e kanë zgjeruar mbështetjen për fermerët në mbarë vendin. Me këtë rast, zëvendësministri Januzi, e njoftoi nënkryetarin më hollësisht edhe për projektet zhvillimore të kësaj ministrie, në të cilat ai tha se mund të gjejnë mbështetje edhe fermerët e komunës së Mitrovicës. Nga ana e tij, nënkryetari i Mitrovicës, Safet Kamberi, e njoftoi zëvendësministrin për sfidat dhe të arriturat e komunës në fushën e bujqësisë dhe me këtë rast ai tha se komuna në vazhdimësi përmes projekteve të ndryshme i ka përkrahur fermerët për zhvillimin e veprimtarive bujqësore e blegtorale.