Bujqësia, dritare e re në platformën shtetërore eKosova

Ministria e Bujqësisë, Pylltarisë dhe Zhvillimit Rural, konkretisht Agjencia për Zhvillimin e Bujqësisë në bashkëpunim me Agjencinë e Shoqërisë së Informacionit (ASHI), ka filluar shërbimin e ofrimit të certifikatës së fermerit dhe aneksit me të dhënat për të gjithë fermerët e regjistruar në platformën e shërbimeve online eKosova.

Në eKosova  është krijuar një dritare e veçantë Bujqësia, ku do të ofrohen shërbime online për fermerë dhe në të ardhmen pritet që të ofrohen edhe vendimet e Pagesave Direkte dhe Vendimet/Vlerësimet e Granteve.

Dritarja Bujqësia në eKosova, do të jetë  njëra ndër dritaret në platformën shtetërore,  ku shërbimet publike që gjenden në zyrat dhe sportelet fizike të institucioneve, ofrohen në mënyrë elektronike.

Për më shumë: https://ekosova.rks-gov.net/Service/52