Prishtinë, 11 prill 2025 – Departamenti për Shërbime Këshilluese dhe Teknike (DSHKT), që funksionon në kuadër të Ministrisë së Bujqësisë, Pylltarisë dhe Zhvillimit Rural në përputhje me Ligjin për Shërbime Këshillimore në Bujqësi dhe Zhvillim Rural, si dhe Udhëzimin Administrativ Nr. 07/2015, ka zhvilluar me sukses procesin e certifikimit të 51 kandidatëve për Këshilltarë për Bujqësi dhe Zhvillim Rural gjatë muajit mars 2025. Trajnimet janë zhvilluar në mënyrë të kombinuar, duke përfshirë sesione teorike dhe praktike, me qëllim që kandidatët të fitojnë njohuri shtesë dhe t’i aplikojnë ato në situata reale të punës.
Ky proces i certifikimit, i cili ka përfshirë disa faza të rëndësishme, synon forcimin e kapaciteteve profesionale të shërbimit këshillues publik dhe privat, si dhe rritjen e cilësisë së shërbimeve për fermerët në përputhje me standardet bashkëkohore dhe praktikat më të mira ndërkombëtare, si dhe forcimin e Sistemit Këshillues të Kosovës për Bujqësi dhe Zhvillim Rural.
