Prishtinë, 02 qershor 2016  Mbështetja e Ministrisë së Bujqësisë, Pylltarisë dhe Zhvillimit Rural ka ndikuar që fermat blegtorale në vend të modernizohen e bashkë me këtë kanë arritur të shtojnë edhe cilësinë e prodhimeve të tyre. Kështu është shprehur zëvendësministri i Bujqësisë, Pylltarisë dhe Zhvillimit Rural, Vezir Januzi, gjatë vizitës që i bëri dje fermës blegtorale ?Mati Com?, në fshatin Bubavec të komunës së Malishevës, fermë kjo e cila është mbështetur përmes granteve investive të ministrisë.Zëvendësministri Januzi, me këtë rast ka treguar edhe për zgjerimin e mbështetjes së MBPZHR-së për këtë vit për prodhimin dhe përpunimin e qumështit, për infrastrukturën përcjellëse të këtyre fermave, gjë që sipas tij do të rrisë edhe më tej cilësinë e kësaj prodhimtarie në vend. Sektori i qumështit, sipas zëvendësministrit Januzi konsiderohet sektor me rëndësi strategjike për ekonomin e vendin dhe se është dhe do të jetë prioritet i politikave zhvillimore të MBPZHR-së.