Prishtinë, 4 Qershor 2024 – Sot në Prishtinë u mbajt Dita e Informacionit rreth Thirrjes për Propozime për Fondin Konkurrues të bazuar në Komunitet. Qëllimi i takimit ishte për t’u dhënë mundësinë aplikuesve potencialë që të diskutojnë kërkesat sipas kësaj Thirrje dhe të shfrytëzojnë mundësinë të parashtrojnë pyetje e detaje tjera në lidhje me fushat prioritare, kriteret dhe procedurat e aplikimit e pranueshmërisë.
Programi i Menaxhimit të Zjarrit të Natyrë në Ballkanin Perëndimor (LFMWB), i financuar nga Agjencia Zvicerane për Zhvillim dhe Bashkëpunim – SDC, e koordinuar nga Farmahem, do të hapë Thirrjen për Propozime për Fondin Konkurrues të bazuar në Komunitet.
Qëllimi i përgjithshëm i kësaj Thirrjeje është që të angazhojë në mënyrë aktive komunitetet lokale në zbatimin e menaxhimit të zjarrit të peizazhit duke mbrojtur dhe mirëmbajtur peizazhet dhe duke përmirësuar jetesën lokale. Kjo do të jetë një mundësi shumë e mirë për të gjithë të interesuarit për aplikim.
Thirrja do të publikohet së shpejti në ueb faqen: www.lfmwb.net.
Ju qe shprehni interesim për aplikim, inkurajoheni të përcillni ueb faqen dhe të gjitha detajet do t’i gjeni aty.
