Lot 3 -I Mbyllur

Skema e granteve

Qeveria e Kosovës, përmes Ministrisë së Bujqësisë, Pylltarisë dhe Zhvillimit Rural (MBPZHR), në bashkëpunim me GIZ Kosovën, po zbaton një skemë grantesh për të mbështetur zhvillimin e qëndrueshëm të zonave rurale. Kjo iniciativë bazohet në Marrëveshjen e ratifikuar nga Kuvendi i Kosovës (Ligji Nr. 08/252) dhe ka për qëllim promovimin e diversifikimit ekonomik, punësimit dhe qëndrueshmërisë në sektorin e bujqësisë. Skema e granteve është e strukturuar në tre LOT-e, secili prej tyre i përshtatur për lloje të ndryshme të aplikantëve bazuar në përvojën e tyre, kapacitetin financiar dhe objektivat e investimit.

Lot 3

LOT 3 përqendrohet në përmirësimin e standardeve teknologjike për ndërmarrjet e vogla dhe të mesme në nënsektor të përzgjedhur. Norma e mbështetjes publike është 65%, me investime nga 50,000 deri në 350,000 EUR. Apliko tani - në këtë fazë ju duhet vetëm të plotësoni formularin SHI-LOT 3 dhe ta dërgoni tek ne. Nëse përzgjidheni, do të njoftoheni për hapat e mëtejshëm në procesin e aplikimit.
Afati i fundit për aplikim: 13.04.2025
Formulari i Shprehjes së Interesit për LOT 3 duhet të plotësohet dhe të dorëzohet në gjuhën angleze.

SKEMA E GRANTEVE LOT 3 - Aplikimi i Mbyllur

Pyetje të Shpeshta (FAQ)
1. A kërkohet ndonjë dokument shtesë së bashku me Shprehjen e Interesit? Jo, në këtë fazë nuk është e nevojshme të dorëzoni dokumente shtesë. Thjesht duhet të plotësoni Formularin e Shprehjes së Interesit LOT 3 dhe ta dërgoni tek ne. 2. A mund të aplikojmë për Villa Malore? LOT 3 mbështet investimet në përpunimin e produkteve bujqësore, agroturizmin, produktet pyjore jo-drusore (përfshirë bimët mjekësore dhe aromatike, kërpudhat dhe bimët dekorative) si dhe akuakulturën. Ky LOT është i dedikuar për ndërmarrjet e vogla dhe të mesme (NVM-të). Megjithatë, ndërtimi dhe rindërtimi nuk financohen nga GIZ. 3. A mbulon GIZ kostot e ndërtimit dhe rindërtimit? Jo, kostot e ndërtimit dhe rindërtimit nuk janë të pranueshme për financim nga GIZ. Megjithatë, kontributi prej 35% nga aplikanti mund të përdoret për ndërtim, dhe përgjegjësia për realizimin e këtyre masave mbetet te aplikanti. Nëse ndërtimi është pjesë e projekt-propozimit, do të kërkohet dokumentacion shtesë gjatë procesit të aplikimit. 4. Sa është shuma e bashkëfinancimit per LOT 3? Shuma maksimale e grantit është 350,000 EUR, ku 65% mbulohet nga GIZ dhe 35% nga aplikanti. Kjo shumë nuk duhet të tejkalohet. 5. Cilët sektorë janë të pranueshëm për aplikim në LOT 3? LOT 3 mbështet sektorët e mëposhtëm: - Përpunimin e produkteve bujqësore - Agroturizmin - Produktet pyjore jo-drusore (përfshirë bimët mjekësore dhe aromatike, kërpudhat dhe bimët dekorative) - Akuakulturën 6. A mund të organizojmë një takim për të diskutuar rreth aplikimit dhe pyetjeve të tjera mbi skemën e granteve? Për fat të keq, nuk kemi mundësi të mbajmë takime individuale në këtë fazë. Megjithatë, ju mund të na dërgoni pyetjet tuaja me shkrim, dhe ne do t’ju ofrojmë sqarimet e nevojshme. 7. A mund të aplikoj për sektorin e bletarisë nën LOT 3? Jo, sektori i bletarisë mbështetet vetëm në LOT 1 dhe LOT 2, të cilët aktualisht nuk janë të hapur. 8. A mund ta dorëzoj formularin në gjuhën shqipe ose serbe? Jo, formulari i aplikimit duhet të dorëzohet vetëm në gjuhën angleze.

Compare list 0