Prishtinë, 11 dhjetor 2015 -Ministri i Bujqësisë, Pylltarisë dhe Zhvillimit Rural, Memli Krasniqi zhvilloi sot një takim me ambasadorin kanadez në Kroaci, jorezident për Kosovën, Daniel Maksymiuk, ku kanë biseduar lidhur me politikat zhvillimore të ministrisë, si dhe për thellimin e bashkëpunimit në fushën e bujqësisë në mes të dy vendeve. Ministri Krasniqi, e njoftoi ambasadorin për format e mbështetjes së ministrisë për fermerët, ku ai tha se përmes granteve dhe pagesave direkte kanë arritur që ta fuqizojnë edhe më tej sektorin e bujqësisë në vend. Si rezultat i kësaj mbështetje të vazhdueshme, ministri tha se tashmë shumë prodhues kosovarë kanë depërtuar edhe në tregjet e huaja. Po ashtu, ministri e njoftoi atë lidhur me programin e vitit të ardhshëm, përmes të cilit ai njoftoi se mbështetja do të zgjerohet për shumë sektor të bujqësisë. Ministri Krasniqi e falënderoi ambasadorin Maksymiuk për mbështetjen e vazhdueshme të Kanadasë për zhvillimin e sektorëve të ndryshëm, e në veëanti sektorin e bujqësisë. Nga ana e tij, ambasadori Daniel Maksymiuk, shprehu gatishmërinë e tij për thellimin e bashkëpunimit në mes të dyja vendeve e më këtë rast edhe përkrahjen e mëtejmë të sektorit të bujqësisë në Kosovë.