Ministri në detyrë i Bujqësisë, Pylltarisë dhe Zhvillimit Rural, Imri Demelezi, priti në takim përfaqësuesit e Agjencisë Suedeze për Bashkëpunim Ndërkombëtar për Zhvillim (SIDA), me të cilët diskutoi për punët e deritashme si dhe për mundësitë dhe orientimet e bashkëpunimit ndërmjet MBPZhR-së dhe SIDA-s.
Në takim mori pjesë edhe z. Henrik Riby, Zëvendës-shef i Misionit dhe Drejtor i Bashkëpunimit për Zhvillim në Ambasadën e Suedisë në Kosovë.
Ministri në detyrë, Imri Demelezi tregoi se gjatë këtij takimi është disktuar për prioritetet e përbashkëta, fushat me interes të ndërsjellë, si dhe për synimet dhe mundësitë konkrete të mbështetjes në sektorin e bujqësisë dhe pylltarisë në Republikën e Kosovës.
Me këtë rast, ministri Demelezi vlerësoi lartë ndihmën e SIDA-s, veçanërisht kontributin e saj në sektorin e pylltarisë, duke falënderuar përfaqësuesit e kësaj agjencie për gatishmërinë, angazhimin dhe bashkëpunimin e vazhdueshëm në mbështetje të zhvillimit të qëndrueshëm të vendit.
