Ministri i Bujqësisë, Pylltarisë dhe Zhvillimit Rural, Faton Peci së bashku me Ministrin e Bujqësisë dhe Ushqimit të Bullgarisë, Kiril Vatev, i cili po qëndron për vizitë në Kosovë, kanë vizituar verarinë “Bodrumin e Vjetër” në Komunën e Rahovecit.

Gjatë kësaj vizite, Ministri Peci e ka njoftuar homologun e tij bullgar me traditën shekullore të kultivimit të vreshtave e prodhimit të verës, si dhe mes tjerash për verërat cilësore që prodhon Kosova si dhe mundësitë e thellimit të shkëmbimeve tregtare mes shteteve tona në mënyrë që vera e Kosovës të jetë pjesë e tryezave bullgare.