Prishtinë, 29 shtator 2016 – Zëvendësministri i Bujqësisë, Pylltarisë dhe Zhvillimit Rural, Vezir Januzi, ka marrë pjesë në Panairin e Mjedrës, që u mbajt në Podujevë, ku kultivuesit llapjanë të mjedrës, kanë ekspozuar produktet e tyre. Ky panair është organizuar nga Komuna e Podujevës dhe USAID-i.Me këtë rast, zëvendësministri Januzi ka thënë se MBPZHR-ja ka rritur mbështetjen edhe për kultivuesit e mjedrës, ku përkrahje në këtë mbështetje kanë gjetur edhe fermerët e Podujevës. Përmes kësaj mbështetje, ai tha se kanë ndikuar në shtimin e prodhimit bujqësor në vend e bashkë me këtë edhe në rritjen e cilësisë së prodhimeve vendore.?Kosova dhe Podujeva ka potencial të madh për prodhimin dhe përpunim bujqësor dhe ne si institucione po punojmë fuqishëm për krijimin e kushteve dhe mundësive ligjore, politike dhe financiare për ngritjen dhe avancimin e sektorit të bujqësisë?, tha zëvendësministri Januzi. Pas nënshkrimit të MSA-së dhe heqjes së shumë barrierave dhe pengesave që ishin, ai tha se tashmë prodhuesit e mjedrës dhe kulturave tjera bujqësore kanë edhe më shumë mundësi për shitjen e produkteve të tyre edhe jashtë vendit.Ai me këtë rast, ka falënderuar USAID-in për mbështetjen që i ka dhënë bujqësisë dhe përmes bashkëpunimit që kanë pasur, ai tha se kanë arritur të ndikojnë në zhvillimin e hovshëm të bujqësisë.