Prishtinë, 19 janar 2021 ë Sot, në një konferencë të mbajtur online, Projekti për Bujqësi dhe Zhvillim Rural (ARDP) i financuar nga Banka Botërore dhe i zbatuar nga Ministria e Bujqësisë, Pylltarisë dhe Zhvillimit Rural, prezantuan strategjinë kombëtare për ripërtëritjen e sistemit të ujitjes në të gjithë vendin tonë ë një projekt kapital që kap vlerën prej 600 milion eurove, dhe i cili synon të implementohet në 12 vitet e ardhshme. Në ngjarjen inaguruese të Master Planit për ujitjen e tokave bujqësore të Kosovës u prezantuan të gjeturat kryesore, si dhe disa nga analizat dhe vlerësimet e detajuara të potencialit të resurseve ujore dhe tokës bujqësore që ka vendi ynë për tu përdorur në sektorin e bujqësisë. Pjesëmarrës dhe folës në këtë ngjarje ishin Ministri i MPBZHR në detyrë, Besian Mustafa, Drejtori i Bankës Botërore për Republikën e Kosovës dhe Maqedoninë e Veriut, Massimilano Paolucci, Përfaqësuesi i Posaëëm i BE-së, Tomash Sunjog (Tomë Szunyog), Eksperti Ndërkombëtar i Irrigacionit, Jullien Lecollinet dhe disa fermerë kosovarë të cilët parashtruan pyetje për të pranishmit. Në këtë ngjarje inaguruese u tha se Master Plani jep pasqyrën reale se sa ujë kemi, dhe sa tokë bujqësore mund të ujisim nëse e përdorim kapacitetin e plotë të ujit për ujitje. Gjithashtu Master Plani pasqyron projektet prioritare ku do të duhet të punohet, duke përfshirë këtu investimet e reja dhe ato të rehabilitimit të skemave ekzistuese të ujitjes. ëNë Republikën e Kosovës ujiten 20 mijë hektar tokë bujqësore, nga të cilat 12 mijë hektarë bëjnë pjesë në sistemin formal të ujitjes, kurse pjesa tjetër në atë jo formal. Qeveria e ka caktuar si prioritet modernizimin e sektorit të bujqësisë, por nuk mund të ketë një sektor të mirëfilltë dhe të dobishëm të bujqësisë, pa e siguruar ujitjen, si masë agroteknike. Me zbatimin e këtij Master Plani, shumë shpejtë do të dyfishohen tokat bujqësore nën sistem të ujitjes. Kurse në plan afatmesëm, parashihet katërfishi i sipërfaqeve nën ujitje.ë ka deklaruar Kryeministri në detyrë, Avdullah Hoti. “Zbatimi i Master Planit të ujitjes së tokave bujqësore, do ta transformoj bujqësinë e Republikës së Kosovës, do të krijojë nevojë për vende të reja të punës për qytetarët tonë, do t’i përmbushë nevojat e bujkut kosovar dhe do të ndikojë pozitivisht në ekonominë tonë” tha Ministri në detyrë i Bujqësisë, Pylltarisë dhe Zhvillimit Rural, Besian Mustafa. “Që prodhimi i ushqimit të jetë një burim efektiv i jetesës për njerëzit, i gjithë sektori i bujqësisë nga mënyra se si është i organizuar duhet të ketë një vështrim të dytë më të thellë për të parë se ëfarë duhet bërë për të përmirësuar performancën e tij. Dhe Master Plani është një pjesë thelbësore e kësajë tha Shefi i Bankës Botërore për Kosovë dhe Maqedoninë e Veriut, Massimiliano Paolucci. Përfaqësuesi i Posaëëm i BE-së, Tomash Sunjog, (Tomë Szunyog), tha se për të marrë pjesë në Master Plan, zyra e BE në kuadër të IPA 2020 ka përgatitur një plan mbështetës në vlerë prej 10 milion EUR. “Qëllimi i këtij veprimi është të mbështesë sektorin e ujitjes dhe ta kthejë atë në një sektor të qëndrueshëm në aspektin ekonomik, mjedisor dhe financiar, përmes investimeve dhe masave të asistencës teknike që do të rrisin efikasitetin e përdorimit të ujit dhe do të rrisin produktivitetin bujqësor”, tha Szunyog. Me implementimin e Master Planit synohet që 90 për qind e tokave bujqësore të vendit tonë të bëhen pjesë e sistemit formal të ujitjes për nevojat e fermerëve kosovarë.