Gjatë kësaj konference në të cilën morën pjesë përfaqësues të institucioneve vendore dhe ndërkombëtare, ekspertë të fushës dhe partnerë zhvillimorë, janë prezantuar gjetjet kryesore të studimit, si dhe janë diskutuar drejtimet strategjike të politikave që synojnë forcimin e qëndrueshmërisë, stabilitetit dhe koordinimit ndërinstitucional në sektorin e bujqësisë.

Në këtë takim, Sekretarja e përgjithshme e MBPZhR-së, Venera Çerkini e ka vlerësuar si tejet të rëndësishëm studimin mbi ndikimin e krizës ushqimore, energjetike dhe financiare në bujqësisë e Kosovë dhe më këtë rast ka theksuar rëndësinë e bashkëpunimit të ngushtë ndërmjet institucioneve, partnerëve ndërkombëtarë dhe sektorit privat për të adresuar sfidat e shkaktuara nga krizat e njëpasnjëshme në sektorin e bujqësisë.

“Bashkëpunimi me FAO-n dhe ekspertët ndërkombëtarë është thelbësor për të kuptuar më mirë sfidat dhe këto rezultate të këtij studimi do të shërbejnë si bazë e rëndësishme për planifikimin e politikave të ardhshme bujqësore”, ka thënë Sekretarja Çerkini.

Gjatë kësaj konference, pjesëmarrësit kanë diskutuar gjetjet kryesore këtij studimi dhe kanë shkëmbyer rekomandime për hapat e mëtejmë drejt forcimit të qëndrueshmërisë së sektorit bujqësor.