Prishtinë, 25 qershor 2024 – Sekretarja e Përgjithshme e Ministrisë së Bujqësisë, Pylltarisë dhe Zhvillimit Rural, Venera Çerkini ka pritur sot në një takim përfaqësuesit e Zyrës së Bashkimit Evropian në Kosovë, me të cilët ka biseduar për zhvillimet e deritanishme në sektorin e bujqësisë.

Gjatë këtij takimi Sekretarja Çerkini i ka njoftuar ata me të arriturat e deritanishme në bujqësi, si rezultat i mbështetjes institucionale, por edhe donatorëve ndërkombëtarë. Po ashtu, ajo i ka njoftuar edhe me objektivat dhe prioritetet e Ministrisë, duke theksuar se në vazhdimësi po i avancojnë politikat bujqësore.

Me këtë rast, Sekretarja së bashku me drejtorët e departamenteve në MBPZhR kanë prezantuar para përfaqësuesve të Zyrës së Bashkimit Evropian në Kosovë edhe nevojat që ka sektori për mbështetje përmes programit TAIEX (Instrument financiar i BE-së që mbështet vendet kandidate dhe potenciale për anëtarësim në BE).

Sekretarja Çerkini ka falënderuar përfaqësuesit e BE-së në Kosovë për mbështetjen që kanë dhënë deri më tash për zhvillimin e sektorit të bujqësisë në Kosovë.