Prishtinë, 15 korrik 2024 – Zëvendësministri i Bujqësisë, Pylltarisë dhe Zhvillimit Rural, Lazar Raduloviq ka vizituar disa fermerë në Komunën e Dragashit, ku është njoftuar për së afërmi me veprimtaritë bujqësore të fermerëve të kësaj ane.

Gjatë kësaj vizite, zëvendësministri Raduloviq në familjen Jonuzi ka parë se si me përkushtim të madh kjo familje i punojnë 30 hektarë tokë, si dhe mbajnë 55 lopë dhe 25 viça. Po ashtu, edhe në familjen e fermerit Isaku, i cili kultivon 26 ari me manaferra dhe gjithashtu merret me prodhimin e mjaltit, zëvendësministri Raduloviq theksoi se fermerët e zellshëm si këta do ta kenë mbështetjen e MBPZhR-së.

Ndërkaq, gjatë vizitës në familjen Mehmedi në këtë komunë, e cila merret me veprimtari blegtorale dhe jetojnë në një lartësi mbidetare prej 1.350metra, ai ka theksuar se ky vend është një potencial i madh për agroturizmin.

Zëvendësministri Radulovq tha se do të vazhdojnë me përkushtim për t’iu ofruar mbështetje këtyre fermerëve,. Me qëllim që veprimtaritë e tyre të zhvillohen dhe avancohen çdoherë e më shumë.