Prishtinë, 6 qershor – Zëvendësministri i Bujqësisë, Pylltarisë dhe Zhvillimit Rural, Imri Demelezi i shoqëruar nga deputeti i Kuvendit të Republikës Kosovës, Agon Batusha, vizituan blegtorët e fshatrave të ndryshme të Gjakovës.

Vizitat i kryen tek disa fermerë të vyer në fshatin Bec, Lugbunar dhe Zhabel të cilët me shumë zell zhvillojnë aktivitetin e tyre bujqësor, duke kultivuar tokën, mbarështuar lopë qumështore, viça, gica, pula, etj.

Gjithashtu në përfundim të ditës, z. Demelezi dhe z. Batusha u mirëpritën për vizitë edhe nga familja Sahiti, përkatësisht vëllezërit Burim dhe Bekim Sahiti, të cilët së bashku kanë mbi 200 lopë qumështore dhe viça për majmëri. Familja Sahiti krahas këtij numri të konsiderueshëm të kafshëve, synojnë që të zgjerojnë dhe modernizojnë stallat e tyre në mënyrë që t’u lehtësohet dhe zhvillohet edhe më shumë puna në fermë.

Pas secilit takim nga të cilët u dëgjuan sfidat nga ana e fermerëve e gjithashtu edhe lëvdatat e tyre për përkrahjen të cilën po ia jep MBPZhR-ja, zëvendësministri Demelezi, i inkurajoi ata që të aplikojnë në programet mbështetëse të ministrisë, siç janë Programi për Pagesat Direkte dhe Programi për Zhvillimit Rural.