Ministri në detyrë i Ministrisë së Bujqësisë, Pylltarisë dhe Zhvillimit Rural, Armend Muja, së bashku me Kryetarin e Komunës së Obiliqit, Halil Thaçi, dhe Kryeshefin Ekzekutiv të NH “Iber-Lepenc”, Faruk Mujka, nënshkroi marrëveshjen për financimin e projektit të ujitjes për shtrirjen e gypit OD-630 mm, PN 16 bar.

Ky projekt paraqet një investim të rëndësishëm në infrastrukturën ujitëse, i cili do të ndikojë drejtpërdrejt në zgjerimin e kapaciteteve të ujitjes në komunat e Prishtinës dhe Obiliqit. Përfitues të projektit do të jenë fermerët në Fushën e Bardhoshit, Leban, Trudë, Bardhoshë, Bernicë e Poshtme, Mazgit, Llazarevë, Raskovë, Bakshi, Prugoc, Drenoc dhe Barilevë.

Sigurimi i qasjes së qëndrueshme në ujë për ujitje do t’u mundësojë fermerëve të rrisin sipërfaqet e kultivuara, të përmirësojnë rendimentin e kulturave bujqësore dhe të lehtësojnë procesin e prodhimit. Në të njëjtën kohë, ky investim do të kontribuojë në rritjen e prodhimit vendor dhe forcimin e sektorit bujqësor në këtë rajon