Ministri në detyrë i Bujqësisë, Pylltarisë dhe Zhvillimit Rural, Armend Muja, së bashku me Kryeministrin e Republikës së Kosovës, Albin Kurti, Kryetarin e Komunës së Mitrovicës, Faton Peci, dhe Kryeshefin Ekzekutiv të Ndërmarrjes Hidroekonomike “Iber-Lepenc”, Faruk Mujka, nënshkruan marrëveshjen për shtrirjen e sistemit të ujitjes në fshatrat Pirq, Vernicë dhe Vaganic.
Ministri në detyrë Muja, tha se kjo marrëveshje do të mundëson ujitje rreth 500 hektarë tokë bujqësore, duke krijuar kushte më të mira për rritjen e prodhimit dhe zhvillimin e qëndrueshëm të bujqësisë në këtë rajon.
Ky investim i rëndësishëm do të ndikojë drejtpërdrejt në rritjen e produktivitetit, përmirësimin e kushteve të punës dhe fuqizimin e sektorit bujqësor në Komunën e Mitrovicës.
Në fund, Ministri tha se, Ministria e Bujqësisë, Pylltarisë dhe Zhvillimit Rural mbetet e përkushtuar në zgjerimin e infrastrukturës së ujitjes dhe mbështetjen e vazhdueshme të fermerëve në mbarë vendin.
